Es git so Moment,
da spiilt eim z Glück in d Händ
D Freud kennt kai End
und miar hend alles was miar wennd.
Kai Wolka am Horizont
Oder a Zwiifel wo in miar wohnt.
Wenn du dah bisch,
fühli mi so unbesiegbar
Liicht wia Wolka
wird miar jetz endlich so viiles klar.
I lahn hüt Konfetti rägna
Wil es spricht grad nüt dergäga
Du bisch d Liabi vo mim Läba
Und es isch Ziit zum danka säga
Das Glück wo i ha,
Scho sit Afang ah.
Dassi dörf an dinera Siita stah
Fühlt sich unglaublich ah.
Kai Sorg drückt mr ufs Gmüat
Wil endlich alles gnüagt.
Wenn du dah bisch,
weissi uf was i gwartet ha.
Jeda Tag fangt mit diar
a neus Märli ah.
