Ja einmal im Jahr,
immer Ende Januar,
chömmend diä Rät uf Davos.
Denn isch amel der Zoo los!
Mängisch meint diä Menscheit,
sie sägen wakker schlau und überleit,
Derbii tüänz oft wiä d Wildschwii,
das säg jetzt einfach amal i…
I meina bi dem Davoser WEF
wär isch da würklich der Chef?
Ja denk där riisä Platzhirsch,
wo alli Soldata hed uf der Pirsch.
Das sind ja denn die armschtä Affä,
will dia einfach alles müänd machä,
was ihrnä där Platzhirsch befehlt,
där, wo immer sini Haar so schön strehlt.
Oder de chömenz mit dennä Superpumas,
Und vergasend wakker vo däm CO2 Gas!
Äch, es isch ja nur für das einmal….
Drum chömend de au gra 5 ufsmal!
Nacher, wenn diä ganz Herde zämä isch,
steid eis nachdem andere uf der Kanzeltisch.
Jeda macht irgend es anders Grüüsch
Und mach so eifach nur d Menschheit schüüch
Also i weiss echt nid, was der ganz Zirkus söll
Will ohni Gott, chömmenz doch eh alli ind Höll!
Will einzig nur er über diä ganz Wält regiert,
Und au nur er alli diä Schädä wieder repariert!