D’Wiähnacht isch doch derfür da,
dass mä es schön mitanand cha ha.
Aber i läsä immer wieder hie und da,
dass der Strom sehr bald söll usgaa.
In der Ukraine isch au no nid Ruäh
Händ miär jetzt denn nid afa gnua?
So viel Mescha händ mim Läbä zallt,
där Kriag git einfach nur no chalt!
Jetzt willma doch z Huus schön dekoriara.
Doch denn a grossi Strom Rächnig kassiera?
Jedä freut sich doch über der Lichterschiin,
söll das jetzt alles eifach so plötzli nümmäsiin?
Der Winter isch doch kalt und grau
Meinend ihr das denn nid auu?
Kriäg isch äbä au immerno da!
Wend miär unsch das so gfallä la?
Chunds jetzt würklich no drufah,
ob i das LED 6 Stund brennä lahn?
Chani denn d heizig nümmä benutzä?
Oder mitem Staubsugr dWohnig putzä?
Muassi mir denn jetzt grossi Sorga machä,
Wenni der LED Baum im Gartä entfachä,
Dass mina Naachbuur nachher denkt,
i hägi wieder zu viel Strom verschenkt?
Oder die schön Liächterkötti
Vo minem sehr liäbä Götti,
dia han i jedes Jahr belüchtet,
das hed ihm immer viel bedütet!
Oder wennma es Strom Auto benutzt,
hetmä da nid au viel Strom verputzt?
So es Auto brucht doch vielme Energie
Also so en ganz kleins LED Lämplii nii?
Au der iikauf behzallä mit dem Twint
Da wirsch der Strom los, ganz geschwind!
Da zallt mä doch viel liaber alles in bar
Wägä derrä wachsendä Strom Gefahr!
In so ra Batterie, hetts doch au Energie,
Oder wäri das denn Umwältverschmutzig?
Mä chönnti doch au so eini neeh,
Zums Huus nacher schön zbelüchte?
Chömmer nid ein grossa Baum belüchtä
und so der ganzä Wäld sicher verkündä,
Dass miär für genau das no der Strom händ,
und nid a düüsteri und chalti Wiahnacht wänd!