Der Strom geid plötzlich eifach us,
Und das in minem eigna Huus!
I han doch die Energie gsparrt
Und dRächnigä nid ufbewahrt!
Ja, was sölli de jetzt au gar tuä?
Sorgt d’REPOWER denn derzuä?
Die Ziitig läsä chani ja so au ni,
jetzt luägi afä mega tumm drii…
Will schnell miina Radio ischaltä,
und denn uf dNachrichtä wartä
aber das geid jetzt abä au nii!
Wo isch au gar där Strom hi!?
Suachä überall im dunklä mis Handy,
Has gfundä und luägä nur kurz dri,
Das hed denn bald kein Akku me!
Ohjemine, jetzt is de um mi gsche!
So chan i niämerd ah lüütä!
Was söll das alles nur bedütä?
I wür so gärä wider Liächt ha!
Aso chan das eifach ni witer ga!
I tuän es Kerzli entpfachä,
will viel me cha i nid machä.
Usser zu minem Gott bättä ,
Dass er Strom wird härgää.
Stundä um Stundä vergöönd,
der Radio isch immerno ni ertöhnt.
i denkä aber immer no fescht da dra,
dass i doch ds Vertrauä bii Gott ha!
Langsa kriägi au Hunger,
Derzuä sogar bitzli Kummer.
Der Kühlschrank isch leer gässä,
Jetzt chanis sicher alles vergässä.
I stah sofort ganz schnell uf,
Will d‘ Kerzä geid bald druf!
Oh nei! Das isch die letzte gsi!
Ja toll, meh hani leider nii!
I gsee eifach gar nüd!
Wo sind denn alli Lüüt?
Jetzt rüäfi wiiter zu Gott
Willi wider Strom wott!
Plötzlich geid miina Radio ah
Oh, siehe! Strom isch wieder da!
Es Lauft grad no die Predigt,
Vom Pfarrer Tomas Gredigt.
köörä nurno gra um Schluss;
Und Jesus sprach:
Ich bin das Licht der Welt; wer mir nachfolgt,
der wird nicht wandeln in der Finsternis,
sondern wir das Licht des Lebens haben.
Also sollen wir nicht verzagen auch in dunklen Tagen!