Die Pilzliziit isch jetzt wieder da,
und mir wennd doch hufa sammla.
Klättern im Wald über Stock und Stein,
aber nähmend de nur die schöna mit Hein.
Doch es git leider a Gfahr,
denn es sind ni alli ässbar.
Will landet en giftiga im Topf,
platzt dir villicht z’mal der Kopf!
Drum sammlet ma die Morchlä mit dä Schwii,
will ma muäs eifach würklich wachsam sii.
Ja, au im tüüfä Wald gitz überall dia Gfahrä,
de muäsmä sicher immer d Ruä bewahrä!
Diä Unfäll passieren so schnäll,
das wüssen miär afä alli gäll?
De löömer hald paar Piltz la sii,
und überlöhnd diä dä Wildschwii.
Jetzt müämer dia Pilz äbä ässä,
wemma scho exrta isch gä läsä.
D Mamä tuäd dia den chochä,
drum gits nurno Pilz all Wuchä.
Das feina Pilzrisotto,
liäbt ünschä Otto,
die Schwester Lisa,
willsi nur uf der Pizza.
Überall sind jetzt diä gsammeltä Pilzli dra,
die Tochter Romina, cha das gar ni ha,
Es chönnt ja äbä ufsmal eine griftig sii,
Darum isst sie das eifach ganz sicher nii.
Sus chaufend diä Schwämm liäber im Ladä,
Müänder hald eifach bitzli was draa zallä,
So wäärimä ganz uf der sicherä Siitä,
und chan au so en Vergiftig vermiidä.