Jetzt isches wieder so wiit, diä Ziit,
womä sich mitem Velo der Bärg uftriibt,
gschwindhaft au Mal mit dem Bike umkiit
und vor Schmärza hilflos am Bodä liggäbliibt.
Mitem E-Bike über dä heiss Strassäteer,
irgendwie dür där riisägross Autoverkehr.
Im Wald laueret villicht eswo no der Wolf,
de spillemer liäber z’Bad Ragaz a Rundi Golf.
Muäterchüä stönd au wieder uf der Weid
und uf dennä Warnschilder steid:
"Das Betreten ist strengstens verboten,
sonst bist schnell mal bei den Toten."
Alli wanderen wäg dem jetzt chrüz und quer,
wills uf derrä Chuäweide äbä z‘gfehrlich wär.
Mä lauft und stolperet über Stock und Stei,
will a guätä Wanderwäg hetzt jetzt äbä kei!
Mit viel Ufwand fahrend viel ins Usland,
solang mä es no eingermassä guät chan
und am Vereinä nid ewigs lang muäs ahstahn
oder stundälang im Stau steid uf der Autobahn.
Im sunnigä und warmä Tessin
simmer äbä scho im Herbst gsi,
drum gömmer jetzt uf Plavigin
und föhnd dört a paar Fisch iin.
Denn mit dem Ahfang vo der Fischersasion
sind alli ganz wild hinder d’Angelruätä cho.
Wär fangt ächt der aller gröschti Hächt?
Wommä würkli nur mitmä Pickup hei brächt?
Au will das Wätter so wunderschön isch,
Grilliert mä doch gra ein zwei vo dennä Fisch.
Mä muäss nämlich au gar nüd pressiärä
oder au gar nüüd an der Arbeit studiärä.
Ja diä Feriäziit isch leider au schnell verbii,
aber i denkä bii vielnä isch sie sicher schön gsi.
Doch eifach bitte immer guät uf alles ufpassä,
sus klipperets Ende Monet de bir Krankäkassä!